खाणबारे प्रवक्ता महतको प्रतिक्रिया- निर्दोष साबित गर्छु भनेपछि कारबाहीको निष्कर्षमा  पुगेनौँ

काठमाडौं । नेपाली कांग्रेसका प्रवक्ता डा. प्रकाशशरण महतले नक्कली भुटानी शरणार्थी प्रकरणमा पक्राउ परेका कांग्रेस नेता तथा पूर्व गृहमन्त्री बालकृष्ण खाँणबारे अनुसन्धान भइरहेकाले  पार्टीले कारबाहीबारे निर्णय लिन हतार नगरेको बताएका छन् ।  मंगलबार पत्रकार सम्मेलन गर्दै प्रवक्ता महतले  खाँणले आफू निर्दोष छु, साबित गर्छु भनेको कारणले निर्दोष नपसुन्, दोषी नउम्किउन् भन्ने पक्षमा पार्टी रहेकाले कारबाहीको निर्णयमा नपुगेको बताएका हुन् ।

उनले भने, आरोपित व्यक्तिमा पार्टीका बालकृष्ण खाँण पनि हुनुहुन्छ । अनुसन्धान जारी छ । निष्कर्ष आइसकेको छैन । उहाँले निर्दोष छु साबित गर्छु भन्नुभएको छ । अनुसन्धान निष्पक्ष हुनुपर्‍यो । त्यसमा पूर्ण सहयोग गर्छौँ । दोषी नउम्किउन्, निर्दोष नफसुन् भन्ने हाम्रो मान्यता हो । त्यो प्रकरणमा जोडिएका उहाँहरूले निर्दोष साबित गर्छु भनेपछि पार्टीले कारबाही गर्ने कुरामा निष्कर्षमा नपुगेको हो ।

उनले दोषीलाई कारबाही गर्ने बताए । पार्टीको बैठकमा महामन्त्रीहरूले कुनै असन्तुष्टि नराखेको  प्रवक्ता महतको भनाई थियो ।