५८ टिम सहभागी फुटबल प्रतियोगिता सुरु, अध्यक्ष  नेपालद्वारा उद्घाटन 

नेकपा एकीकृत समाजवादी निकट युवा संघ नेपाल पिपुल्स भोलियन्टरद्वारा आयोजित ५८ टिम सहभागी  फुटबल प्रतियोगिता सुरु भएको छ । काठमाडौंको मनमैजुस्थित G4 7A Side फुटबल ग्राउन्डमा मदन-आश्रित स्मृति दिवसको अवसरमा  नेकपा एकीकृत समाजवादीका अध्यक्ष तथा पूर्व प्रधानमन्त्री माधवकुमार नेपालले प्रतियोगिताको उद्घाटन गरेका हुन् ।

खेलमा देशभरिबाट करिब एक हजार एक सय खेलाडीको सहभागितामा  फुटबलको उद्घाटन समारोहमा आज दुई मैत्रीपूर्ण खेल भएका छ  । युवा संघ बाग्मती प्रदेश र नेपाल भोटे युवा संघ टिम बिचको खेलमा कवीन्द्र गुरुङ म्यान अफ दि म्याच भए । त्यस्तै, दोस्रो खेल युवासंघ नेपाल पाँचखाल र योङ एण्ड वाईज् टिमबिचको खेलमा जिम लिम्बु मेन अफ द म्याच बन्न सफल भए ।

फुटबल प्रतियोगितामा पहिलो हुने टिमले नगत तीन लाख रुपैंयासहित प्रमाणपत्र, दोस्रो हुनेले २ लाख नगद र तेस्रो हुनेले एक लाख नगद पुरस्कार पाउने छन् । फुटबल प्रतियोगिताको उद्घाटन गर्दै अध्यक्ष नेपालले नेकपा एकीकृत समाजवादी खेलकुद क्षेत्रको विकासको लागि प्रतिबद्ध रहेको बताएका छन् । खेलकुदको मार्फत खेलाडीले अन्तर्राष्ट्रिय स्तरमा नेपालको नाम राख्ने गरेकाले सरकारले यसतर्फ विशेष ध्यान दिनुपर्ने अध्यक्ष नेपालको भनाई थियो ।