तातोपानी नाकामा व्यवसायीका दु:ख : दुर्घटनाको जोखिम मोलेरै सामान ढुवानी

काठमाडौं । लामो समयदेखि बन्द रहेको नेपाल चीन तातोपानी नाका वैशाख अन्तिमबाट दुवैतर्फ सञ्चालनमा आयो । तर नेपालतर्फको बाह्रबिसेदेखि नाकासम्मकै सडकको दुरावस्थाका कारण व्यवसायीहरुले दुख पाएका छन् । सडका कारण दुर्घटनाको जोखिम बढेको छ । जसले नेपाली व्यवसायीहरुले आवश्यक सामग्री ओसारपसार गर्न सकेका छैनन् ।

नेपाल—चीन जोड्ने नेपालको प्रमुख व्यापारीक नाका हो तातोपानी नाका । तर सडक मार्गको समस्याले सधैँ यो क्षेत्र ग्रसित छ । चीनसँगको व्यापारिक नाका तातोपानी जोड्ने मुख्य सडक बाढी, सुक्खा पहिरो लगायतका समस्याका कारण सधैँ भासिने गरेको छ । सिन्धुपाल्चोकको बाह्रबिसेदेखि तातोपानी नाकासम्मको सडक मार्ग सरकारले दीर्घकालिन मर्मत गर्न नसक्दा सधैँ जोखिम मोलेर सवारीसाधन चलाउनुपर्ने व्यवसायीहरुको भनाइ छ । दुई पहाडबीचबाट बग्ने भोटेकोसी नदीको किनार भएकाले पनि तातोपानी नाका जोड्ने सडकमा जोखिम बढी हुने गर्छ ।

व्यापारीक नाका भएकाले सामान बोकेर ठूला कन्टेनर सहज रुपमा गुड्नसक्ने अवस्था छैन । सडक दुर्घटनाको ठूलो जोखिम भएपनि अहिलेसम्म सरकारले सडकको स्तरोन्नति गरी दीर्घकालिन समस्या समाधानको उपाय खोज्न सकेको छैन । चीनबाट तातोपानी नाका हुँदै सामान आयात गर्ने व्यवासायीहरु नाकाको मुख्य सडक मर्मत नहुँदा समान ढुवानी गर्न समेत समस्या भएको गुनासो गर्छन् ।

बाह्रबिसेदेखि तातोपानी नाकासम्म २४ किलोमिटर सडक जोखिमपूर्ण छ । यतिवेला सामान बोक्ने ठूला कन्टेनर सडकमा गुड्न थालेका छन् तर सडको मर्मत संभार नहुदा भने समस्या देखिएको छ । स्थानीय पालिका र व्यवसायीहरुले सरोकारवाला निकायहरुलाई सडक मार्ग स्तर उन्नतिका लागि पहल गर्न आग्रह गर्दा पनि अहिलेसम्म हुन नसकेको भन्दै गुनासो गरेका छन् । सरकारले तातोपानी नाका जोड्ने सडक समयमानै स्तर उन्नति गरे स्थानीयदेखि व्यवसायीहरुलाई समेत सहज हुने व्यवसायीहरुको भनाई छ ।

सडक सानो र साँघुरो भएकाले दुई तर्फबाट कन्टेनर आउँदा साइट दिने ठाउँ छैन । कन्टेनर बेला-बेलामा सडकमाथिको पहाडमा ठोक्किने समस्या रहेको भएको छ । तोतापानी नाका पूर्णरुपमा सञ्चालनमा आउँदा सडकमा सवारी साधनको चाप बढ्ने तर सडकको अवस्था भने दयनीय छ । कोदारी लोकमार्गको विभिन्न खण्डमा वर्षा याममा बाढी र भेलले सडक वर्षैपिच्छे क्षतिग्रस्त हुने गरेको छ ।

तातोपानी नाका जोड्ने बाह्रबिसेदेखि नाकासम्मको सडकखण्ड व्यवस्थित बनाउन सरकारले दीर्घकालीन योजना बनाइ सडकको समस्या समाधान गर्न आवश्यक देखिन्छ । सेभेन स्टार फोरके कालागि न्युज एजेन्सीको सहयोगमा राधिका जोशी काठमााडौं ।