नक्कली शरणार्थीको अनुसन्धान बिथोलिए जनताले सहने छैनन् : नेता खनाल

काठमाडौं । पूर्वप्रधानमन्त्री झलनाथ खनालले नक्कली भुटानी शरणार्थी प्रकरण लज्जास्पद विषय भएको र यसले देशको अस्मिता लुटिएको बताएका छन् । शनिबार काठमाडौंमा आयोजित कार्यक्रमलाई सम्बोधन गर्ने क्रममा यस्तो बताउदै अनुसन्धानलाई कुनै बहानामा रोक्ने प्रयास भए जनताले सहन न्सकेर देशभर आन्दोलन हुने चेतावनी दिएका हुन् ।

उनले भने, ‘नक्कली भुटानी शरणार्थीको केस जुन छ अहिले, यो एउटा लज्जास्पद कुरा हो, देशको अस्मिता गएको छ । संलग्न देखिएका मानिसलाई धिक्कार छ । यो लज्जास्पद छ । यो अनुसन्धानलाई अन्तिमसम्म लगियोस्, यसमा कुनै बाधा खडा गरियो भने र अुनसन्धान प्रक्रियालाई पूर्ण रूपले टुंगोमा लैजानबाट वञ्चित गरियो भने नेपाली नेपाली जनताले सहन गर्नेवाला छैनन् । आन्दोलनको सम्भावना छ । यो आजको सरकार र प्रहरीले सुनोस् ।’  पूर्वप्रधानमन्त्री खनालले अनुसन्धानमाथि हस्तक्षेप गरे नेपाली नागरिकलाई सह्य नहुने चेतावनी दिए ।

राष्ट्रिय स्वतन्त्र पार्टीप्रति लक्षित गर्दै उनलै घण्टी अराजकताको संकेत भएको बताएका छन् । उनले आन्दोलनमा ठूलो भूमिका खेलको पार्टीहरुले देशको विकासका लागि महत्वपूर्ण भूमिका खेल्न नसक्दा अहिलेको अवस्था आएको जिकिर गरे ।