कोशी प्रदेशसभा घेर्न खोज्ने २३ जना नेता तथा कार्यकर्ता पक्राउ

विराटनगर । कोशी प्रदेश सभाको बैठक अवरुद्ध गर्न खोज्नेहरुलाई प्रहरीले पक्राउ गरेको छ । कोशी प्रदेश सभाको बैठकमा सहभागी हुन जाने प्रदेश सभा सदस्यहरूलाई अवरोध पुर्‍याएको भन्दै विराटनगरका विभिन्न स्थानबाट संघीय लोकतान्त्रिक राष्ट्रिय मञ्चका उपाध्यक्ष सहितका २३ जना नेता तथा कार्यकर्ताहरूलाई प्रहरीले पक्राउ गरेको हो ।

उनीहरू प्रदेशसभा घेराउ गर्ने उद्देश्यले जम्मा भएका थिए । उनीहरूको साथबाट गुलेली लगायतका घरेलु हतियार समेत बरामद गरेको कोशी प्रदेश प्रहरी कार्यालयका प्रमुख राजेशनाथ बास्तोलाले बताएका छन् । उनका अनुसार सुरक्षा अवस्था मजबुत पारिएको बताए ।

कोशी प्रदेश नामकरणको विरोधमा उत्रिएका विभिन्न पहिचान वादी पार्टी र सङ्घ संस्थाले प्रदेश सभा घेराउको कार्यक्रम राखेका छन् । उनीहरूले शनिवार बाटै विराटनगरमा प्रदर्शन गर्दै आएका छन् । विराटनगरमा हुने प्रदर्शनमा सहभागी हुन विभिन्न जिल्लाबाट नेता पहिचान वादी सङ्घ संस्थाका नेता तथा कार्यकर्ताहरू विराटनगर केन्द्रित भएका छन् ।