नगरपालिकाको गाडीले प्रतिव्यक्ति ४ हजारका दरले भाडा असुल

रोसन भट्टराई, ताप्लेजुङ । ताप्लेजुङ स्थित फुङलिङ नगरपालिकाको गाडीले प्रतिव्यक्ति ४ हजारका दरले भाडा लिएर यात्रु ओसार पोसार गरेको तथ्य बाहिरिएको छ । ताप्लेजुङ स्थित फुङलिङ नगरपालिकाको मेयरको गाडीले टिकट नै काटेर यात्रुहरू ल्याउँदै गर्दा स्थानीय ट्याक्सी व्यवसायीले रोकेर सोधपुछ गरेपछि यस्तो तथ्य बाहिरिएको हो ।

‘सरकारी गाडीमा टिकट लिएर यात्रु ओसार पोसार गर्नु सरासर गलत हो, म यस गाडीको ड्राइभरलाई कारबाही गर्छु’, उनले भने । यता आज बिहानै देखि झापा र इलामको सीमा जोर कलशमा यति बेला विवाद भइरहेको छ । ट्याक्सी व्यवसायी तथा मजदुरहरूले भाडा दरको विषयलाई लिएर आन्दोलन गरेका हुन् ।

झापातर्फबाट गएका ट्याक्सीहरू जोर कलशमै रोकेर राखिएको छ भने इलाम, पाँचथर बाट आएका ट्याक्सीहरू पनि रोकेर रोकिएको छ । शनिवार बिहानै देखि झापा र इलामको सीमा जोर कलशमा ट्याक्सी व्यवसायी तथा मजदुरहरूले भाडा दरको विषयलाई लिएर आन्दोलन गरेका थिए ।