‘अर्थतन्त्र अफ्ठेरो अवस्थामा छ, अर्थविज्ञहरु मिलेर काम गरौं’

काठमाडौं । देश ठुलो आर्थिक संकट बाट गुज्रीरहेको छ । मुलुक आर्थिकरुपमा संकटग्रस्त अवस्थामा छ । जसले गर्दा सरकार र निजि क्षेत्र दवावमा छ । अर्थ विज्ञहरुले मुलुकको आर्थिक जटिलता दिनानुदिन बढ्दै गईरहेको बताउदै आएका छन् । यस्तै पूर्वअर्थमन्त्री सुरन्द्र पाण्डेले पनि मुलुक आर्थिक रुपमा संकटग्रस्त अवस्थामा पुगेको बताएका छन् ।

उनले सरकार र निजी क्षेत्र दुवै दबाबमा रहेको भन्दै मुलुकमा वित्तीय संकट आउन सक्ने चेतावनी दिएका छन् । पूर्वअर्थमन्त्री पाण्डेले निजी क्षेत्रले बैंकको ब्याजदर घट्नु पर्ने माग राखेपनि तत्काल ब्याजदरमा कमी आउने अवस्था नदेखिएको बताउदै यो वर्ष बैंकहरुको ऋण लगानी गर्ने क्षमता गुमाउँदै गएको उल्लेख गरे ।

त्यस्तै गरी पूर्वगभर्नर डा।विजयनाथ भट्टराईले नेपालको अर्थव्यवस्थामा सरकारी वित्तहरुमा भाँडभैलो अवस्थामा रहेको बताए । मुलुकमा आर्थिक संकटको यस्तो अवस्थामा सुधारका लागि अर्थविज्ञहरु मिलेर जानुको विकल्प नरहेको उनको धारणा थियो । मुलुकको आर्थिक अवस्था दिनप्रतिदिन कमजोर बनिरहेको भन्दै राज्यले यस समस्यालाई चाडै सम्बोधन हुनुपर्ने विज्ञहरुले जोड दिदै आईरहेका छन ।