प्रधानमन्त्रीको भ्रमणमा प्रोटोकल भद्रगोल भयो : ओली

काठमाडौं । नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहालको भारत भ्रमण फितलो भएको बताएका छन् । सोमवार प्रतिनिधि सभा बैठकमा बोल्दै उनले प्रधानमन्त्री दाहालले भारत भ्रमणका क्रममा फितलो प्रदर्शन गरेको बताएका हुन् ।

उनले भने, ‘मलाइ भन्न मन थिएन, छैन तर प्रोटोकल पनि भएन । तरिकाहरु पनि मिलेन । परराष्ट्र मन्त्री कता छ थाहा छैन रु अर्को मन्त्री थाहा छैन कता छ रु अर्थमन्त्री कता छ थाहा छैन । उहाँको पिए छोरी छेउमा देखिन्छ । परराष्ट्रको चिफ अफ प्रोटोकल छैन । परिवारको सदस्य राख्नुभएको छ । फस्र्ट लेडी भनेको स्पाउजलाई भनिन्छ । अरु फेमिली मेम्बर हो । छोरो लिएर जानुभयो भने के भन्ने फस्र्ट जेन्टलमेन्ट रु स्पाउज त होइन । फस्र्ट लेडी भनेर परिवारका सदस्यलाई भनिदैन । भोलि नातिनी लिएर जानुभयो भने के भन्ने रु सेकेण्ड लेडी रु यस्तो भद्रगोल गर्नु हुँदैन क्या । प्रोटोकललाई यस्तो भद्रगोल गर्नु हुँदैन ।’

उनले प्रधानमन्त्री भ्रमणका क्रममा नेपालको शिर ठाडो पार्नेगरी गौरवपूर्ण ढंगले प्रश्तुत हुन नसकेको बताए । उनले भ्रमणका क्रममा प्रोटोकल पनि नमिलेको उल्लेख गरे । अध्यक्ष ओलीले आफ्नो स्वकिय सचिवका रुपमा छोरीलाई छेउमा राखेको भएभनि परराष्ट्रमन्त्री, सचिव र चिफ अफ प्रोटोकल नजिक नहुनु गलत भएको बताए ।