‘भारत भ्रमणको उपलब्धि १५ वटा राँगा मात्रै हो’

काठमाडौं । नेकपा एमालेका अध्यक्ष केपी शर्मा ओलीले प्रधानमन्त्रीको भारत भ्रमणमा कुनै उपलब्धि नभएको बताएका छन् । सोमवार प्रतिनिधि सभा बैठकमा बोल्दै अध्यक्ष ओलीले १५ ओटा राँगा ल्याउने बाहेक कुनै प्रगति नभएको टिप्पणी गरेका हुन् ।

उनले भने, ‘अब फुर्तिफार्ति प्रधानमन्त्रीज्यूको हेर्दाखेरी सारा जितेर फर्किदै गरेको सिकन्दर जस्तो । सब फाँडेर फर्किएको चङ्गेश खाँ जस्तो । विजयी । अचम्म लाग्यो । साँच्चै ल्याएको चाहीँ के भने १५ वटा राँगा । अरु कुरा त प्रधानमन्त्रीज्यु प्रमाणित गर्नुपर्छ यो ल्याएँ भनेर । ल्याएको चाहीँ १५ वटा राँगा नै हो । चढेर आएपनि डाहोयाएर ल्याएपनि ।’

अध्यक्ष ओलीले नागरिकता सम्बन्धी विधेयक संसदमा पुनः ल्याउनुपर्ने बताएका छन् । उनले सो विधेयकको सम्बन्धमा संसदमा छलफल गर्न पाउनुपर्ने बताए । संसदमा नयाँ सदस्यहरु आएको भन्दै उनले विधेयकको सम्बन्धमा संसदमा छलफल आवश्यक रहेको बताएका हुन् ।