करका दर हेरफेरबारे स्वर्णिमको प्रश्न

काठमाडौं । राष्ट्रिय स्वतन्त्र पार्टीका सांसद स्वर्णिम वाग्लेले विगत केही वर्षमा भ्रष्टाचार महामारीझै फैलिएको बताएका छन् । मंगलबार प्रतिनिधि सभामा अनधिकृत व्यक्तिलाई प्रवेश गरेर करका दर हेरफेर गरेको विवादित विषयमा अर्थमन्त्रीको जवाफ माग गर्दै यस्तो बताएका हुन् ।

उनले भने,  ‘बकाइदा कागज मिलाएर, औपचारिकता मिलाएर, विधि पु¥याएजस्तो गरेर, बैठक बसेर, नियमावलीहरु नै संशोधन गर्दै, अख्तियारले समेत समाउन नसक्नेगरी सेटिङमा हुने भ्रष्टाचारको महामारी विगत केही वर्षमा आगोझैँ सल्किएको छ । सक्छौँ भने मलाई जेल हाल भन्ने हुँकारको जननी त्यही हो । दण्डहिनताको यो चुरीफुरी बिरुद्ध हामी उभिएका छौँ र यसलाई तोडेरै छाड्ने हाम्रो दल राष्ट्रिय स्वतन्त्र पार्टीको संकल्प छ । अर्थमन्त्रीको यि ३ कुरामा जवाफ आओस्, निश्चित व्यापारिक घरानालाई अनुचित लाभ हुने गरी अपारदर्शी ढंगले करका दरमा हेरफेर गरिएको छ कि छैन रु एचएस कोडको विज्ञ भनेर संलग्न गराइएका व्यक्तिलाई विधि, प्रक्रिया पु¥याएर सल्लाहकारिय भुमिकामा राखिएको हो कि होइन रु एचएस कोडका दरहरु टाइप गर्नसक्ने जनशक्तिको आकार के एकजना वा दुईजना मात्रै हुन् रु भन्सार प्रणालीको सुधार गर्न यो वर्ष अर्थमन्त्रीको इमान्दार पहल होला कि नहोला ’

कागज र औपचारिकता मिलाएर नियमावली संशोधन गरेर अख्तियारले पनि समात्न नसक्नेगरी सेटिङमा हुने भ्रष्टाचार आगोझैं सल्किएको भन्दै वाग्लेले यसलाई राष्ट्रिय स्वतन्त्र पार्टीले तोडेरै छाड्ने संकल्न लिएको बताए ।