महिला एसिया कपका लागि नेपाली टिम घोषणा

काठमाडौं । जुन १२ देखि २१ सम्म हङकङमा आयोजना हुने महिला इमर्जिङ टिम्स एसिया कपका लागि नेपालको टिम घोषणा भएको छ । शुक्रबार नेपाल क्रिकेट संघले एसिया कपका लागि रुविना क्षेत्रीको कप्तानीमा शुक्रबार १४ सदस्यीय टोलीको घोषणा गरेको हो ।

नेपालले जुन १३ मा पाकिस्तान ‘ए’, जुन १५ मा भारत तथा जुन १७ मा हङकङसँग समूह चरणका खेलमा प्रतिस्पर्धा गर्ने भएको छ । समूह ‘ए’ मा भारत र पाकिस्तान ‘ए’ टोलीसहित आयोजक हङकङ र नेपाल तथा समूह ‘बी’ मा बंगलादेश र श्रीलंका ‘ए’ टोलीसहित यूएई र मलेसिया रहेका छन्  ।

नेपालले जुन १३ मा पाकिस्तान ‘ए’, जुन १५ मा भारत तथा जुन १७ मा हङकङसँग समूह चरणका खेल खेल्नेछ । थाइल्यान्डले आन्तरिक कारण देखाउँदै प्रतियोगितामा सहभागी नहुने निर्णय गरेपछि आयोजक एसियाली क्रिकेट परिषद् (एसीसी)ले नेपाललाई खेल्न प्रस्ताव गरेको थियो । एसोसिएटको शीर्ष टोली थाइल्यान्डले नखेल्ने निर्णय गरेपछि नेपाललाई चिठ्ठा परेको हो ।