बजेटमाथि उठेका प्रश्नको जवाफ अर्थमन्त्रीले आज दिने

काठमाडौं । प्रतिनिधिसभा बैठकमा निरन्तर चलिरहेको आर्थिक वर्ष २०८०/८१ को बजेटमाथिको छलफल आइतबार सकिएसँगै अर्थमन्त्री डा. प्रकाशशरण महतले जवाफ दिने कार्यक्रम तय भएको छ । सोमबार संघीय संसद् भवन नयाँ बानेश्वरमा १ः०० बजे बस्ने बैठकमा प्रधानमन्त्री भारत भ्रमणबाट फर्केपछि निरन्तर बजेटमाथि भइरहेको छलफल हिजोबाट सकिएपछि अर्थमन्त्रीले जवाफ दिन लागेका हुन् ।

प्रतिनिधिसभा सदस्यहरूले उठाएका प्रश्नको जवाफ हिजै दिने भनिए पनि प्राविधिक कारण देखाउँदै आजका लागि सारिएको हो । करिब एक हप्तासम्म भएको छलफलमा भाग लिने अधिकांशले यसको विरोध गरेका छन् । विरोध गर्नेमा सत्तारुढ सांसद छन् । केही सांसदहरुले समय अनुसार बजेट उपयुक्त आकार र प्राथमिकतासहित आएको प्रतिकृया दिएका छन् ।

कतिपय सांसदहरुले एउटै बिषय नीति तथा कार्यक्रममा एक किसिमले आएको र बजेटमा अर्कै किसिमले आएको बताएका छन् । सांसदहरुले सबै निर्वाचन क्षेत्र र जिल्लामा समानुपातिक प्रणालीबाट बजेट विनियोजन नभएको भन्दै आपत्ति जनाएका छन् ।