युक्रेनको थप भूमि कब्जा गर्ने रुसको घोषणा

काठमाडौं  । रुसले युक्रेनको अझै धेरै भूमि कब्जा गर्ने  घोषणा गरेको छ । रुसविरुद्ध प्रत्याक्रमणमा उत्रिएको युक्रेनी सेनाले ठूलो क्षति बेहोरेको दाबी गर्दै  रुसलाई सुरक्षित राख्ने उद्देश्यले  युक्रेनको अझै धेरै भूमि कब्जा गर्ने घोषणा गरेको  हो ।

लामो समयपछि एक  टेलिभिजन कार्यक्रममा बोल्दै  रुसी राष्ट्रपति भ्लादिमिर पुटिनले  पछिल्ला दिनमा युक्रेनका १ सय ६० वटा ट्यांक र ३ सय ६० वटा युद्ध सामग्रीसहितका साधन ध्वस्त भएको भन्दै  युक्रेनी प्रत्याक्रमणबाट रुसका ५४ वटा साधन नष्ट भएको जिकिर गरेका छन् ।

सिमावर्ती क्षेत्रमा युक्रेन समर्थित लडाकुहरूले गरेको आक्रमणप्रति संकेत गर्दै उनले जिस्क्याउन खोज्नेहरूलाई ठेगान लगाइने बताए  । युक्रेन विरुद्ध अहिलेको अवस्थामा सेना थप्नु पर्ने जरुरी नदेखिएको भन्दै पुटिनले थप उपलब्धिका लागि अघि बढ्नु परे मात्रै सेना थपिने बताएका छन् ।