घोराही सिमेन्टको ६९ लाख ११ हजार ६७० कित्ता आइपीओ निष्कासन, कहिलेसम्म दिन पाइन्छ आवेदन ?

काठमाडौं । घोराही सिमेन्टले सर्वसाधारणका लागि आइपीओ निष्कासन गरेको छ । कम्पनीले बिहीबार जेठ ३२ गतेदेखि १ सय अंकित मूल्यमा ३३५ रुपैयाँ प्रिमियम थप गरी प्रतिकित्ता ४३५ रुपैयाँका दरले कुल ६९ लाख ११ हजार ६७० कित्ता आइपीओ निष्कासन गरेको हो ।

घोराहीको आइपीओमा न्यूनतम १० कित्तादेखि अधिकतम १० लाख कित्ताका लागि असार ४ गतेसम्म आवेदन दिन सकिने कम्पनीले जनाएको छ । उक्त समयमा सबै बिक्री नभएमा असार १४ गतेसम्म बिक्री खुला रहने कम्पनीले भनेको छ । यसमा बिक्री प्रबन्धकको काम नबिल इन्भेष्टमेन्ट बैंकिङ र हिमालयन क्यापिटलले गरेका छन् ।

लगानीकर्ताले सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । केयर नेपालले घोराही सिमेन्टलाई ‘केयर एनपी ट्रिपल बी माइनस’ रेटिङ प्रदान गरेको छ । यसले कम्पनीको वित्तीय दायित्व पूरा गर्ने क्षमतामा मध्यम जोखिम रहेको संकेत गर्छ ।