अप्पर स्याङ्गे हाइड्रोपावरले ६ लाख ५० हजार कित्ता आइपीओ निष्कासन गर्ने, कहिलेदेखि दिन पाइन्छ ?

काठमाडौं । अप्पर स्याङ्गे हाइड्रोपावरले सर्वसाधारणका लागि आइपीओ निष्कासन गर्ने भएको छ । कम्पनीले असार १० गतेदेखि ६ करोड ५० हजार रुपैयाँ बराबरको १ सय अंकित मूल्यमा ६ लाख ५० हजार कित्ता सेयर निष्कासन गर्ने भएको हो ।

यो मध्ये ६५ हजार कित्ता वैदेशिक रोजगारीमा रहेका नेपालीका लागि निष्कासन गरिसकेको छ । त्यस्तै ३२ हजार ५ सय कित्ता सामूहिक लगानी कोषका लागि र १३ हजार कित्ता कर्मचारीलाईलाई छुट्याइएको छ । बाँकी ५ लाख ३९ हजार ५ सय कित्ताका लागि असार १३ गतेसम्म आवेदन दिन सकिने कम्पनीले जनाएको छ ।

सो अवधिमा सबै सेयर बिक्री नभएमा असार २४ गतेसम्म आवेदन दिन सक्ने कम्पनीले बताएका छन् । लगानीकर्ताले यसमा न्यूनतम १० कित्तादेखि अधिकतम १ लाख कित्ताको लागि आवेदन दिन सक्नेछन् । सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सकिनेछ । रेटिङ एजेन्सी केयर नेपालले यो आइपीओलाई केयर एनपी डबल बी रेटिङ्ग प्रदान गरेको छ ।