ब्लडक्यान्सर पीडितलाई  तरुणदलद्वारा  १ लाख तिस हजार आर्थिक सहयोग 

काठमाडौं । नेपाल तरुण दल  काभ्रेका जिल्ला अध्यक्ष सुजन लामाको सहजिकरणमा  नेपाल तरुण दल अध्यक्ष विद्वान गुरुङले   ब्लड क्यान्सर पीडितलाई आर्थिक सहयोग  गरेका छन् । पालिकाको  चापाखोरी कुरुवास निवासी अनिल कुमार मोक्तान र शान्तिमाया तामाङको  ब्लडक्यान्सरबाट   पीडित रहेका   १० वर्षीय  छोरालाई तरुण दल काभ्रे तेमाल गाउँपालिका कार्यसमितिको नेतृत्वमा गुरुङले  १ लाख तिस  हजार आर्थिक सहयोग  गरेका हुन् ।

सिभिल अस्पताल मिनभवनमा उपचाररत मोक्तानलाई  आर्थिक सहयोग हस्तान्तरण गर्दै पीडितको बुबालाई अध्यक्ष गुरुङले नआत्तिन आग्रह समेत गरेका छन् । अध्यक्ष गुरुङले  नेपाल सरकार र अस्पताल प्रशासनलाई पनि उपचारमा सहयोगको लागि पहल गर्ने र देशभरिको तरुणहरूलाई  आग्रह गर्ने प्रतिबद्धता समेत गरेका छन् ।

करिब छ महिना पाटन अस्पतालमा उपचार गराउँदा पनि रोग पत्ता नलागेपछि दुई महिना अगाडि सिभिल अस्पतालमा मोक्तानको उपचार गर्न ल्याउँदा ब्लड क्यान्सर  पत्ता लागेको बिरामीको बुवा बताउँछन् । दुई महिना देखि छोराको उपचार भइरहेको  समेत उनले बताएका छन् ।