बिजुली बिक्री गर्नु हुँदैन भनेर राष्ट्रघाती अभिव्यक्ति नदिनुस् :  कुलमान घिसिङ

काठमाडौं । नेपाल विद्युत् प्राधिकरणका प्रबन्ध निर्देशक कुलमान घिसिङले सरकारले ट्रान्समिसन लाइन निर्माणलाई प्राथमिकता नदिए विद्युत् आपूर्तिमा समस्या आउने बताएका छन् । आइतबार सञ्चारकर्मीहरू संग कुरा गर्दै निर्देशक घिसिङले विद्युत् प्रसारण र वितरण लाइन निर्माणमा राज्यका अन्य कुनै पनि निकायले सहयोग नगरेको भन्दै ट्रान्समिसन लाइन निर्माणलाई प्राथमिकता नदिए विद्युत् आपूर्तिमा समस्या आउने बताएका हुन ।

उनले प्रसारण र वितरण लाइन निर्माण कार्यलाई सुधार गर्न नसके ऊर्जा क्षेत्रमा लगानी भएको अर्बौँ रुपैयाँ जोखिममा पर्ने सम्भावना रहेको भन्दै प्रसारण र वितरण लाइन निर्माण गर्दा जग्गा प्राप्ति, रुख कटान लगायत समस्याका कारण प्रसारण लाइन निर्माण हुन नसक्दा बिजुली वितरणमा समस्या देखिएको बताए । उनले विद्युत् सबै निकायहरूको सहयोग नभए देशमा ट्रान्समिसन लाइन बनाउन धेरै ठुलो चुनौती हुने पनि जनाए ।

उहाँले ५ वर्ष भित्र शुरु गरेका आयोजनाहरूको निर्माणमा ४ देखि ५ खर्ब रुपैयाँ आवश्यक पर्ने बताउँदै पूर्वपश्चिम ट्रान्समिसन, क्रस बोर्डर लाइन  र आन्तरिक सवस्टेसनहरु बनाएर काठमाडौंको विद्युत् सप्लाई सहज बनाउनको लागि करिब ५० देखि ६० अर्ब रुपैयाँ आवश्यक पर्ने बताए । उहाँले विद्युत् बिस्तारका लागि समग्र मुलुक भरमा करिब ८ खर्बको लगानी आवश्यकता पर्ने देखिएको उनको भनाई छ ।

यो लगानीमा विद्युत् प्राधिकरणले सकेको र विदेशी निकायहरूबाट प्राप्त ऋणले पनि पुग्ने अवस्थामा नभएको भन्दै निर्देशक घिसिङले अर्थ मन्त्रालय देखि सबै निकायहरूले विशेष ध्यान दिनुपर्ने बताए । उनले प्राधिकरण नाफामा गएर करिब १ खर्ब रुपैयाँ लगानी नगरको भए अहिले मुलुकमा १६ घण्टा लोडसेडिङ कायम रहने अवस्था रहेको समेत दावी गरे । उनले नेपालमा ट्रान्समिसन र सवस्टेसन लाइन बनाउन महँगो भएको भन्दै ४०० केभीको ट्रान्समिसन लाइन बनाउन करिब ४ अर्ब रुपैयाँ लाग्ने अवस्था रहेको बताए ।

प्राधिकरणले सबै जनतालाई विद्युतको पहुँच पु¥याउने भनेर अहिले ९५ प्रतिशत पुगेको भन्दै अब बाँकी ५ प्रतिशतलाई पनि विद्युतको  पहुँचमा पु¥याउन लागि रहेको उनको भनाई छ ।  घिसिङले देशभित्र लोडसेडिङ गराएर भारतमा बिजुली नबेचेको भन्र्दैै नेपालमा विद्युत् कटौती गरेर भारत पठाएको भन्ने सामाजिक सञ्जालमा आएका टिप्पणी सत्य नभएको प्रस्ट्याए । उनले पिक समयमाभन्दा अन्य समयमा उत्पादिन विद्युत् बिक्री नगरेमा घाटा हुने बताए । विद्युत् क्षेत्रमा लगानीका लागि विदेशी र स्वदेशी लगानीकर्तालाई आग्रह गर्दै उनले बिजुली बिक्री गर्नु हुँदैन भनेर राष्ट्रघाती अभिव्यक्ति नदिन पनि आग्रह गरे ।