क्रोएसियालाई पेनाल्टी सुटआउटमा हराउँदै स्पेन पहिलो पटक बन्यो नेसन्स लिग च्याम्पियन

काठमाडौं । यूईएफए नेसन्स लिगमा क्रोएसियालाई पेनाल्टी सुटआउटमा ५९४ ले पराजित गर्दै स्पेनले उपाधि जितेको छ । गएराति भएको रोमाञ्चक र प्रतिस्पर्धात्मक खेलमा निर्धारित र अतिरिक्त समयमा पनि गोल हुन नसकेपछि पेनाल्टीमा गएको खेलमा स्पेनले पहिलो पटक उपाधि जितेको हो ।

फाइनलमा चिरपरिचित प्रतिद्वन्द्वी दुवै टोलीले गोल गर्ने अवसर पाए पनि गोल हुन सकेको थिएन । पेनाल्टीमा स्पेनका गोलकिपरले उत्कृष्ट बचाउ गर्दै क्रोएसियालाई ५९४ ले स्तब्ध बनाए । ​ स्पेनका लागि डानी कार्भाजलले विजयी गोल गरे । त्यसअघि स्पेनका गोलकिपर उनाई सिमोनले क्रोएसियाका ब्रुनो पेटकोभिचको पेनाल्टी बचाएका थिए ।

पेनाल्टीसुटआउटमा स्पेनका लागि जोसेलु, रोड्री, मिकेल मोरेनो, मार्को असेन्सियो र कार्भालले गोल गरे । एमरिक लापोर्टाले गोल गर्न सकेनन् ।क्रोएसियाका लागि निकोला भ्लासिक, मार्सेलो ब्रोजोभिच, लुका मोडरिच र इभान पेरिसिकले गोल गरे । लोभ्रो माजे र र पेटकोभिचले गोल गर्न सकेनन् ।