जनज्योति मावि व्यवस्थापकीय र शैक्षिक स्तरका आधारमा जिल्लाकै उत्कृष्ट विद्यालय

दोलखा । व्यवस्थापकीय र शैक्षिक स्तरका आधारमा दोलखा जिल्लाको उत्कृष्ट विद्यालयकोरूपमा जनज्योति मावि पुतली काठ गैरीमुदीले नगद ५ लाख प्रोत्साहन अनुदान प्राप्त गरेको छ । शैक्षिक गुणस्तर परीक्षण केन्द्रको मूल्याङ्कनका आधारमा व्यवस्थापकीय तथा शैक्षिक कार्यका आधारमा दोलखाको उत्कृष्ट विद्यालयको रूपमा जनज्योति माविले नगद ५ लाख प्रोत्साहन अनुदान प्राप्त गरेको हो ।

शिक्षा तथा मानव स्रोत विकास केन्द्रले व्यवस्थापकीय र शैक्षिक स्तरका आधारमा उत्कृष्ट सामुदायिक विद्यालयहरू मध्ये नतिजामा आधारित प्रोत्साहन अनुदान पाउने दोलखाको बैतेश्वर गाउँपालिकामा रहेको जनज्योति मावि सहित १६५ विद्यालयको नाम सार्वजनिक गरेको छ ।

केन्द्रले प्रत्येक निर्वाचन क्षेत्रबाट १ विद्यालय पर्ने गरी १६५,शैक्षिक गुणस्तर परीक्षण केन्द्रबाट भएको कार्यसम्पादन परीक्षणबाट भएको मूल्याङ्कनबाट उच्चतम अङ्क प्राप्त गर्ने विद्यालय, महानगरपालिका र उपमहानगरपालिका भित्रबाट थप २ विद्यालयको नामावली सार्वजनिक गरेको हो ।