नेपालले जित्यो यू–१६ इस्ट जोन कप क्रिकेटको उपाधि

काठमाडौं । नेपालले  एसीसी यू–१६ इस्ट जोन कप क्रिकेटको उपाधि जितेको छ ।  मंगलबार फाइनलमा घरेलु टोली मलेसियालाई २ सय २१ रनले पराजित गर्दै  नेपालले पहिलो पटक यस नामले आयोजित प्रतियोगिता जितेको हो ।

टस जितेर पहिले ब्याटिङ गरेको नेपालले निर्धारित ३५ ओभरमा ८ विकेट गुमाएर २५२ रन बनायो । नेपालका लािग नरेन भट्टले ८९ बलको सामना गर्दै ११२ रन बनाइ अविजित रहे। उनले १० चौका र २ छक्का प्रहार गरे । नेपालका लागि अर्का ब्याटर निरज कुमार यादवले ४७ रन बनाए । यस्तै सन्तोष यादवले २६ तथा सूर्यांशु कोइरालाले १८ रन जोडे ।

नेपालले यसअघि एसीसी यू–१६ इस्टर्न रिजनको नामले २०१७ र २०१९ मा आयोजित प्रतियोगिता जितेको थियो । त्यसहिसाबमा मलेसियामा यसपटक पाएको सफलताले नेपालले एसियाली क्रिकेट परिषद् (एसीसी) को यू–१६ क्रिकेटमा ह्याट्रिक गरेको हो ।