श्रीलंकाका राष्ट्रपति र प्रधानमन्त्रीसँग अध्यक्ष नेपालको शिष्टाचार भेटवार्ता

काठमाडौं । नेकपा एकीकृत समाजवादीका अध्यक्ष एवम् पूर्व प्रधानमन्त्री माधवकुमार नेपालले बुधबार राष्ट्रपति र प्रधानमन्त्रीसँग शिष्टाचार भेटवार्ता गरेका छन् । ८० औं स्थापना दिवसको कार्यक्रममा सहभागी हुन तथा दक्षिण एसियाका कम्युनिष्ट पार्टीहरुको बैठकमा सहभागी हुन सोमबार श्रीलंका भ्रमणमा गएका अध्यक्ष नेपालले श्रीलंकाका राष्ट्रपति रणिल विक्रमसिंघे सँग गरेको भेटमा दुई देशबारे छलफल गरेका हुन् ।

राष्ट्रपति निवासमा अध्यक्ष नेपालले ४५ मिनेट कुराकानी गरेका थिए । यस्तै, अध्यक्ष नेपालले श्रीलंकाका प्रधानमन्त्री दिनेश दिनेश गुणवर्धनासँग पनि बुधबार साँझ भेटवार्ता गरका छन् । प्रधानमन्त्री निवासमा करिब १ घण्टा पाँच मिनेट लामो शिष्टाचार भेटमा दुई देशको भाइचारा सम्बन्ध, एसियाका मुलुकहरुमा विकसित घटनाक्रमबारे वार्ता भएको अध्यक्ष नेपालको सचिवालयले जनाएको छ ।

शिष्टाचार भेटमा नेपाल र श्रीलंकाबीच पुरानो मित्रता रहेको बताउँदै दुवै देशले एकअर्कालाई आवश्यक सरसहयोग गर्न सकिने विषयमा पनि छलफल भएको बताइएको छ ।