स्कटल्याण्डलाई हराउँदै नेदरल्याण्ड्स विश्वकपमा छनोट

काठमाडौं । आईसिसी विश्वकप छनोटको सुपर सिक्स खेलमा नेदरल्यान्ड्सले स्कटल्यान्डलाई चार विकेटले हराउँदै विश्वकपमा छनोट भएको छ । जिम्बाव्वेको बुलवायोमा जितका लागि पाएको २७८ रनको लक्ष्य नेदरल्याण्ड्सले खेल सकिन ४३ बल अघि नै विश्वकपमा छनोट भएको हो ।

सुपर सिक्स चरणमा स्कटल्याण्ड र जिम्बाब्वेसँग अंक बराबरी भएता पनि नेट रन रेटमा दुवै टिमलाई पछि पार्दै नेदरल्याण्ड्स छनोट भएको हो । तिन वटै टिमको ५ खेल खेल्दा ६ अंक रहेता पनि नेदरल्याण्डले अन्तिममा वाजी मारेको हो । श्रीलंका १ खेल खेल्न बाँकी रहंदा ८ अंक छ । श्रीलंका छनोट भइसकेको छ ।

तीन महिना पछि अक्टोबरमा भारतमा आयोजना हुने एकदिवसीय विश्वकपमा छनोट हुने सबै १० टिमको टुंगो लागेको हो । श्रीलंका र नेदरल्याड विश्वकप छनोटबाट विश्वकपमा पुग्दा आयोजक भारतसहित अस्ट्रेलिया, अफगानिस्तान, बंगलादेश, इंग्ल्यान्ड, पाकिस्तान, न्युजिल्यान्ड, दक्षिण अफ्रीका आईसीसी विश्वकप सुपर लिगको शिर्ष ८ मा रहँदै छनोट भएका थिए ।