श्रीबाबु कार्कीको ‘सन्दिग्ध शताब्दी’लाई अन्तर्राष्ट्रिय सर्वोत्कृष्ट निबन्ध पुरस्कार 

काठमाडौं । अन्तर्राष्ट्रिय नेपाली साहित्य समाजको  सर्वोत्कृष्ट निबन्ध पुरस्कार निबन्धकार श्रीबाबु कार्कीको निबन्धसंग्रह  ‘सन्दिग्ध शताब्दी’लाई  प्राप्त भएको छ ।  एक हजार युएस डलर राशि रहेको उक्त पुरस्कार शनिबार एक भव्य समारोहकाबीच कार्कीको ‘सन्दिग्ध शताब्दी’ निबन्धसंग्रहलाई  अमेरिकाबाट प्रदान गरिने घोषणा भएको हो ।

पुरस्कारको वितरण आगामी लक्ष्मी जयन्तीका अवसरमा विशेष कार्यक्रमको आयोजना गरी प्रदान गरिने पुरस्कार घोषणाको क्रममा जनाइएको थियो ।  पुरस्कृत कार्कीको  निबन्धसंग्रह साझा प्रकाशनले प्रकाशन गरेको हो ।

नेपाली लेखक संघ केन्द्रीय समितिका उपमहासचिवसमेत रहेका कार्की लामो समयदेखि साहित्य क्षेत्रमा  बालकथा, लघुकथा, कविता जस्ता विविध विधामा  कलम चलाउँछन् । दोलखाको तामाकोसी गाउँपालिका स्थायी घर भई हाल राजधानी बस्दै आएका कार्कीले यसअघि थुप्रै कृति प्रकाशनमा ल्याइसकेका छन् । कार्कीको पहिलो रचना च्यापिएको मुस्कान कवितासंग्रह ०५६ हो ।