नगर प्रमुख बाजि सिंह खड्काद्वारा खातिवडा स्वास्थ्य चौकीको एम्बुलेन्स  हस्तान्तरण 

दिपायल । दिपायल सिलगढी नगरपालिका–२ अन्तर्गत खातिवडा स्वास्थ्य चौकीको एम्बुलेन्स दिपायल सिलगढी नगरपालिकाका नगर प्रमुख बाजि सिंह खड्काले हस्तान्तरण गरेका छन्  ।

आइतबार  दिपायल सिलगढी नगरपालिकाको कार्यालयमा आयोजना भएको एम्बुलेन्स हस्तान्तरण तथा उद्घाटन कार्यक्रममा बिधिवत ढङ्गबाट पूजापाठ गरी नगर प्रमुख खड्का र नगर उपप्रमुख कलावति महर साउँदले दिपायल सिलगढी नगरपालिका वडा नं २ का वडा अध्यक्ष राजेन्द्र  खडकालाई एम्बुलेन्स हस्तान्तरण गरेका हुन्  ।  दिपायल सिलगढी नगरपालिका वडा नं २ को आर्थिक वर्ष २०७९/०८० को  विनियोजित बजेट १६ लाख र दिपायल सिलगढी नगरपालिकाको थप ६ लाख  रकमबाट खातिवडा स्वास्थ्य चौकीका लागि एम्बुलेन्स खरिद गरिएको थियो ।

वडाका बिरामीहरूले झेल्दै आएको एम्बुलेन्स सेवाको समस्या समाधान गर्न र चुनावि दौरानमा आफूले जनतासँग बोलेको बाचा पुरा गर्न एम्बुलेन्स खरिद गरिएको  दिपायल सिलगढी नगरपालिका वडा नं २ का वडा अध्यक्ष राजेन्द्र खड्काले जानकारी दिए ।