अपांगता भएका व्यक्ति सम्बन्धि शक्तिशाली आयोग बनाउन सरकार सकारात्मक छ : प्रधानमन्त्री दाहाल

काठमाडाैं । प्रधानमन्त्री पुष्पकमल दाहाल ‘प्रचण्ड’ले अपांगता भएका व्यक्ति सम्बन्धि शक्तिशाली आयोग बनाउन सरकार सकारात्मक रहेको बताएका छन् ।

आज शुक्रबार बसेकाे राष्ट्रियसभा बैठकमा अपांगता भएका व्यक्तिको अधिकारसम्बन्धी संकल्प प्रस्तावमाथि सांसदहरुले उठाएका प्रश्नको जवाफ दिनेक्रममा उनले अपांगता भएका व्यक्तिको मानव अधिकार रक्षा, सशक्तिकरण तथा विकासका लागि सरकार सैद्धान्तिक, राजनीतिक तथा व्यवहारिक रुपमा प्रतिवद्ध रहेको बताए ।

प्रधानमन्त्री दाहालले संघ, प्रदेश र स्थानीय सरकारका वार्षिक नीति, कार्यक्रम तथा बजेटमार्फत अपांगता र फरक क्षमता भएका व्यक्तिको अधिकार संरक्षण, परिचय पत्र वितरण, तथ्यांक संकलन लगायतका लक्षित कार्यक्रम सञ्चालन भइरहेको जानकारी दिँदै त्यसलाई थप प्रभावकारी बनाइ उनीहरुको सम्मानजनक जीवनयापनका लागि सरकार लागि परेको बताएका छन् ।