कञ्चनपुरको बेलौरी नगरपालिकामा लागु औषध बिरुद्धको महाअभियान शुभारम्भ

काठमाडाैं । कञ्चनपुर- सीमावर्ती सुदूरपश्चिम कञ्चनपुरको पुरानो सदरमुकाम बेलौरीमा लागु औषध बिरुद्धको महाअभियान शुरु भएको छ। शुक्रबारदेखि बेलौरी नगरपालिकामा लागु औषध बिरुद्धको महाअभियान शुरु भएको हो ।

भारतसंग सीमा जोडिएको बेलौरीमा पछिल्ला बर्षहरुमा लागु औषध ओसारपसार, कारोबार एवं सेवनका घटना बढ्दै गएपछी बेलौरी स्थानीय सरकारले लागु औषध बिरुद्धको अभियान शुरु गरेको छ । लागु औषध बिरुद्धको महाअभियान उद्घाटन समारोहको अध्यक्षतामा समेत ग्रहण गरेका बेलौरी नगरका मेयर पोतिलाल चौधरीले समाजमा विकराल रुपमा देखिएको लागु औषध नियन्त्रणका लागि अभियान थालिएको बताए । भारतसंग प्रत्यक्ष सीमा जोडिएको बेलौरीमा लागु औषधका कुनैपनि कारोबार सेवन एवं ओसारपसार नियन्त्रणका लागि अभियान थालिएको मेयर चौधरीले बताएका हुन्।

हालसालकै बर्षहरुमा बेलौरीका ९१ जना स्थानीय युवा लागु औषधको मुद्दा खेपिरहेको र बेलौरी क्षेत्रको भूगोलबाट झण्डै २ सय जना पक्राउ गरिएको बताए । ‘मेयर चौधरीले भने, ‘आजदेखि हामीले अभियान शुरु गरेका छौँ,बेलौरीका १० वटै वडा र सबै बस्तीहरुमा सरोकारवाला सँग समन्वय गरेर थप बस्ती स्तरमा सचेतनामुलक कार्यक्रम गछौँ ।’

कार्यक्रममा विभिन्न क्षेत्रका हजारौँको सहभागिता रहेको थियो । स्थानीय नागरिक सहित जिल्ला प्रदेशका सरोकारवालाले बेलौरीले सचालन गरेको अभियान सहृानिय भएकोले निरन्तरता दिइएको छ ।