माटो सुहाउँदो वित्तीय सुशासन कायम गर्न नेपाल प्रतिबद्ध छ : अर्थमन्त्री डा.महत

काठमाडाैं । अर्थमन्त्री डा. प्रकाशशरण महतले नेपाली माटो सुहाउँदो वित्तीय सुशासन र पारदर्शिता सुधार गर्ने प्रतिबद्धता व्यक्त गरेका छन् ।

अन्तर्राष्ट्रिय मुद्रा कोष (आईएमएफ) का एशिया प्रशान्त हेर्ने उपप्रबन्ध निर्देशक बो लीसँगकाे भेटमा महतले नेपालको आवश्यकता बुझिदिन आग्रह गरे ।

‘वित्तीय सुशासन, पारदर्शिताप्रति प्रतिबद्ध छौँ । तर सबै कुरा भनिएजस्तो हुँदैन’, अर्थमन्त्री डा. महतले भने, ‘हाम्रो आफ्नै संरचना पनि छन् । बुझाइमा समस्या छ ।’  उनले के काम गर्ने भन्नेमा स्पष्ट रहेको बताए ।

जवाफमा उपनिर्देशक बो लीले सुधारको कुराप्रति सकारात्मक रहेको प्रतिक्रिया दिए। ‘हामीले सुधार गर भन्ने नै हो’, उनले भने ।

दुईबीचकाे भेटमा विस्तारित कर्जा सुविधा (ईसीएफ)लिँदा नेपालले राष्ट्र बैंक ऐन संशोधन, वित्तीय क्षेत्रमा सुधार, मौद्रिक नीतिमा सुधार लगायतका विषयमा छलफल भएको थियो ।

छलफलका क्रममा अर्थसचिव कृष्णहरि पुष्कर र नेपाल राष्ट्र बैंकका गर्भनर महाप्रसाद अधिकारी पनि उपस्थित थिए ।