प्यालेस्टाइनको गाजापट्टीमा थप आक्रमण गर्ने इजरायलको तयारी

काठमाडौं । इजरायल र हमासबीचको युद्ध जारी रहेकै बेला इजरायलले प्यालेस्टाइनको गाजापट्टीमा जमीन, वायु र समुद्रबाट थप आक्रमण गर्ने तयारी गरेको छ । इजरायलका प्रधानमन्त्री बेन्जामिन नेतान्याहुले गाजापट्टीका अग्रपंक्तीका सुरक्षाकर्मीहरुलाई इजरायल आक्रमणको सामना गर्न तयार रहन चेतावनी दिएको छ ।

साथै उनले उत्तरी गाजामा बसोबास गर्ने ११ लाख प्यालेस्टाइनहरुलाई सो भूमी छोड्न अपिल गरेका छन । उत्तरी गाजाबाट पलायन हुने क्रममा रहेका सवरीसाधनमाथि इजरायलले गरेको आक्रमणमा थुप्रै बालबालिका र महिलाहरुका मारिएका छन् । हमासले गत साता बन्धक बनाएको इजरायली लगायत बिभिन्न देशका १ सय ५० जनाको अवस्था अज्ञात छ ।

इजरायलमा गत साता हमासले गरेको आक्रमणमा १३ सयको मृत्यु भएको र इजरायलले गाजापट्टीमा गरेको जवाफी कारवाहीमा २२ सय जनाको मृत्यु भइसकेको छ । यसैबीच अमेरिकी राष्ट्रपति जो बाइडेनले इजरायली प्रधानमन्त्री बेन्जामिन नेतान्याहु र प्यालेस्टाइनी नेता मोहमद अब्बाससँग कुराकानी गरेका छन । इजरायलको साथ दिने बचन दिएको अमेरिकाले युद्धमा इजरायललाई सैन्य सामग्रीहरु उपलब्ध गराइसकेको छ ।