इतिहास शिरोमणि बाबुराम आचार्य शोध सम्मानबाट विद्यानाथ उपाध्याय भट्ट सम्मानित

काठमाडौं । यस वर्षको इतिहास शिरोमणि बाबुराम आचार्य शोध सम्मानबाट प्राध्यापक विद्यानाथ उपाध्याय भट्ट सम्मानित भएका छन् । लुनकरणदास गङ्गादेवी चौधरी साहित्य कला मन्दिरले सोमवार विशेष कार्यक्रम गरी प्राध्यापक तन्त्र विद्याका विद्वान समेत रहनुभएका प्राध्यापक उपाध्याय भट्टलाई सम्मान गरेको हो ।

त्यसैगरि श्री लूनकरणदास गङ्गादेवी चौधरी सरस्वती सम्मानबाट कवि विष्णुविभु घिमिरे र लक्ष्मण नेवटिया सम्मानित भएका हुन् । नारायणगोपाल संङ्गीत सम्मानबाट लोकगायिका तथा संङगीतकार झुमा लिम्बू सम्मानित भएका छन् ।

स्रष्टा सम्मान कार्यक्रममा साहित्य कला मन्दिरले प्रकाशन गरेको प्रा।डा।उषा ठाकुरको समीक्षा–सङ्ग्रह विचार र विश्लेषण तथा हास्यव्यङ्ग्यकार नेवटियाद्वारा लिखित तथा मञ्जरी प्रकाशनद्वारा प्रकाशित व्यंग्य कवितासंग्रह व्यंग्यधामको लोकर्पण समेत भएको छ ।