‘घरेलु उद्योगका सामग्रीहरूलाई आधुनिकताको नाममा हेलचेक्र्याइँ नगरौँ’

काठमाडौं । महानायक राजेश हमालले घरेलु उद्योगलाई बढुवा दिनुपर्ने आवश्यकता रहेको बताएका छन् ।  उनले  प्रत्येक नागरिकले घरेलु उत्पादन र उद्योगलाई महत्त्व दिनुपर्ने बताए  । उनले घरेलु उद्योग एउटा व्यवसाय मात्रै नभएको भन्दै यसले देश, संस्कृति र हाम्रो कलालाई प्रतिनिधित्व गर्ने बताए  ।

उनले घरेलु उद्योग ओझेलमा पर्नु, लोप हुनु भनेको संस्कृति र कला लोप हुनु रहेको बताए  । उनले पुर्खाको सीप, कलालाई प्रतिनिधित्व गर्ने घरेलु उद्योगका सामग्रीहरूलाई आधुनिकताको नाममा हेलचेक्राँई गरे समाजको लागि र परम्परागत संस्कृतिको लागि हानी पुग्ने बताए ।

महानायक हमालले नेपालका घरेलु उद्योगका सामग्रीहरूको महत्त्व करिब ४० वर्ष पहिला धेरै महत्त्वपूर्ण हुने गरेको र लोकप्रिय रहेको बताए । उनले नेपालका घरेलु उद्योगबाट उत्पादित सामग्रीहरू विश्व बजारमा ओझेलमा परेको बताए ।