दसैँका लागि मनाङ, मुस्ताङका साथै तिब्बतबाट भेडा च्याङ्ग्रा पोखरा निर्यात

काठमाडौं ।  हरेक वर्ष दशैको बेला  हिमाली जिल्लाहरू मनाङ, मुस्ताङ, रोल्पा, डोल्पाका साथै  तिब्बतबाट समेत पोखराको बजारमा भेडा च्याङ्ग्रा ल्याएर व्यवसायीले बेच्न गरेका छन् । यस वर्ष पनि पोखराको बजारमा  भेडा च्याङ्ग्रा बिक्रीका लागि पोखरा ल्याइसकेका छन् ।

हिमाली भेकबाट ल्याइएका र जडीबुटी खाएका च्याङ्ग्राको मासु खाने चाहना सबैलाई भए पनि  च्याङ्ग्राको मासु अत्यधिक महँगो  भएका कारण सबै मानिसले चाहेर पनि च्याङ्ग्राको मासु खान सक्ने अवस्था छैन । पोखराको बजारमा च्याङ्ग्रा महँगो छ । च्याङ्ग्राको तुलनामा भेडा सस्तो भए पनि मानिसहरूको आँखा च्याङ्ग्रतिरनै गएको पाइन्छ  ।

हाल पोखराको बजारमा च्याङ्ग्राको मासु प्रतिकिलो २५ सय मा व्यवसायी ले बिक्री गरिरहेका छन् । खसीको मासुको  प्रति केजी १३ सय पर्दछ । खसिकोको तुलनामा च्याङ्ग्राको मासु झन्डै दोब्बर मूल्य पर्ने देखिन्छ । हिमाली भेकबाट र टाढाटाढावाट च्याङ्ग्रा पोखरामा लिएर आउँदा स्वाभाविक रूपमा लागत बढी पर्न जान्छ तर भेडा, च्याङ्ग्रा को  मूल्य निर्धारण नगरिएका कारण उपभोक्ता मारमा परेका छन् ।

पोखरा बजारमा नेपालको विभिन्न ठाँउवाट ल्याइएका भेडा च्याङ्ग्राको  दर रेट कहिल्यै  निश्चित  गरिँदैन भन्ने आम उपभोक्ताहरूको भनाई रहेको छ । अहिले एउटा च्याङ्ग्रा को मूल्य ५० हजार र भेडा ३५ हजार मा व्यवसायीले बिक्री गरिरहेका छन् च्याङ्ग्रा र भेडा किन्न पोखराको हेम्जा  सिम्पानि याम्दिर बगरमा भिड लागिरहेको छ ।