क्यानडाले भारतबाट फिर्ता बोलायो आफ्ना कूटनीतिज्ञ

काठमाडौं । क्यानडाले आफ्ना ६२ मध्ये ४१ कूटनीतिज्ञलाई फिर्ता गर्ने भएको छ । भारतले शुक्रबार अर्थात अक्टोबर २० पछि २१ कूटनीतिज्ञ र उनीहरूका परिवारबाहेक सबै क्यानाडाली कूटनीतिज्ञहरूलाई अनैतिकरूपमा भारतबाट हटाउन दबाब दिएकोले क्यानडाले फिर्ता बोलाएको हो ।

यसरी कूटनीतिज्ञ हटाउनुलाई अन्तर्राष्ट्रिय कानुनविपरीत मानिन्छ । क्यानडामा रहेका शिख नेता हरदीप सिंह निज्जरको जुन १८ मा हत्या भएको थियो । सोहि हत्यापछि दुई देश बिचको सम्बन्ध बिग्रिएको हो । हरदीपको हत्या भारतीय एजेन्सीको संलग्नता रहेको क्यानडाका प्रधानमन्त्री जस्टिन ट्रूडोको आरोप पछि भारतले त्यसको खण्डन गर्दै आएको छ ।

क्यानडाले यो विवादलाई नतन्काउन र अन्तर्राष्ट्रिय कानुनको पालना गर्ने सबै देशको हकमा लागु हुने जनाएको छ । भारतमा २१ जना मात्र क्यानडाली कूटनीतिज्ञ रहँदा कर्मचारी अभावले काम प्रभावित हुने समेत भनिएको छ । अक्टोबर पहिला साता क्यानडाका प्रधानमन्त्री ट्रूडोले भारतसँग विवाद बढाउन नचाहेको र त्यहाँ क्यानडाको कूटनीतिज्ञ रहनु महत्वपूर्ण भएको बताएका थिए ।