प्रधानमन्त्रीद्वारा दसैँको शुभकामना : राष्ट्रिय एकता सुदृढ गर्नु हामी सबैको साझा दायित्व हो 

काठमाडौं ।  प्रधानमन्त्री पुष्पकमल दाहाल ‘प्रचण्ड’ ले नेपालीहरूको महान् चाड विजयादशमीको पावन अवसरमा नेपालीलाई न्याय र समानतासहितको आर्थिक समृद्धि प्राप्त गर्ने सामर्थ्य प्रदान गरोस् भनी शुभकामना व्यक्त गरेका छन् । शनिवार एक शुभकामना सन्देशमार्फत उनले सत्यको विजय र असुरी चरित्रको पराजय, दुराचारमाथि सदाचारको जीत, आपसी सद्भाव, भ्रातृत्व र पूर्वीय सभ्यता, दर्शन, चिन्तन परम्परा, संस्कृति र चाडपर्वका हिसाबले नेपाली  गौरवशाली रहेको भनी  दसैँलाई व्याख्या गरेका हुन् ।

‘नेपाली विशिष्टताको प्रवर्द्धन र विकास गरी ज्ञानविज्ञान, सभ्यता र संस्कृतिको क्षेत्रमा नयाँ पहल गर्न सक्नेछ । यस दृष्टिकोणले विविधतामा एकतामा आधारित हाम्रो समाज र संस्कृति अनुकरणीय छ ।  सम्पूर्ण विश्वका लागि प्रेरणादायी । त्यसैको आधारमा राष्ट्रिय एकता सुदृढ गर्नु हामी सबैको साझा दायित्व हो ।   जीवनको सकारात्मक र मानवीय मूल्यमान्यताको रक्षा गर्दै त्यसभित्र रहेको अन्धविश्वास, भड्काइपूर्ण सोच र जीवन पद्धति हाम्रो मौलिक चाडपर्व हो ।  अहिले हामी अवसर र चुनौतीको कठिन परीक्षाबाट गुज्रिरहेका छौँ । हामीसँग संरक्षण गर्ने ठुलो चुनौती छ ।’ शुभकामना सन्देशमा उल्लेख छ ।

असल सपना पूरा गर्न दृढतापूर्वक अगाडि बढ्नु पर्ने प्रधानमन्त्री प्रचण्डको भनाई छ ।  जतिसुकै कठिनाइ आए पनि देशलाई अगाडि बढाउन आफूहरूमा  सकारात्मक र रचनात्मक सोचको विकास हुनु आवश्यक  रहेको उनी बताउँछन् । उनले   विकासमा देखापरेका परम्परागत शैली, संरचना र प्रणालीका अवरोध, राष्ट्र निर्माणको पक्षमा राष्ट्रिय एकता भावनाहरू जस्ता चुनौतीहरू रहेको बताए ।