अभिनेता दलीप ताहिललाई २ महिना जेल सजाय

काठमाडौं । अभिनेता दलीप ताहिललाई २ महिना जेल सजाय सुनाइएको छ । ताहिललाई पाँच वर्ष पुरानो ड्रंक एन्ड ड्राइभ मुद्दामा सजाय सुनाइएको छ ।

दलीप ताहिलले बाजीगर, राजा, इश्क र डर जस्ता धेरै ठूला बलिउड फिल्महरूमा काम गरिसकेका छन्। तहिलमाथि सन् २०१८ मा मुम्बईको पोश खार उपनगरीय क्षेत्रमा मदिरा सेवन गरी कारले अटो रिक्शालाई ठक्कर दिएको आरोप लागेको छ । उक्त दुर्घटनामा एक महिला गम्भीर घाइते भएकी छन् ।

सञ्चारमाध्यमका अनुसार डाक्टरको रिपोर्टमा रक्सीको गन्ध आएको र अभिनेता त्यतिबेला राम्ररी हिँडडुल गर्न नसक्ने प्रमाण छ । यससँगै दलीपले रगत परीक्षणका लागि प्रहरीलाई आफ्नो नमूना दिन अस्वीकार गरेको रिपोर्टमा उल्लेख छ । यही प्रमाणका आधारमा ५ वर्षपछि उनलाई म्याजिस्ट्रेटको अदालतमा दोषी ठहर गर्दै २ महिनाको जेल सजाय सुनाइएको हो।

पाँच वर्ष पुरानो मुद्दामा दलीप ताहिललाई मुम्बईबाट पक्राउ गरिएको थियो तर अभिनेता पछि जमानतमा रिहा भएका थिए । यो मुद्दा विगत पाँच वर्षदेखि निरन्तर चलिरहेको छ । अहिले उक्त मुद्दामा अदालतले फैसला सुनाउँदै दलीपलाई दुई महिना जेल सजाय तोकेको छ ।