पाल्पामा फेरि जीप दुर्घटना, ८ जना घाइते

काठमाडौं । पाल्पामा जीप दुर्घटना हुँदा ८ जना घाइते भएका छन् । घाइतेमध्य दुई जनाको अवस्था गम्भीर छ ।

सोमबार दिउँसो करिब २ बजेतिर गुल्मीदेखि बुटवलतर्फ जाँदै गरेको १४ जना सवार लु१ ज ४१६५ नम्बरको जीप सिद्धार्थ राजमार्गअन्तर्गत तानसेन नगरपालिका ७ लामडाँडामा दुर्घटनामा परेको हो ।

घाइते हुनेमा रुपन्देहीको तिलोत्तमा नगरपालिका९२ का ४५ वर्षीय रेशम गिरी, गुल्मीको रुरु गाउँपालिकास्थित थोर्गाका ४५ वर्षीया तोपकला ज्ञवाली, गुल्मीको इश्मा गाउँपालिका९४ का ३९ वर्षीय दानबहादुर खत्री छन् । अन्यको अवस्था भने सामान्य रहेको छ।

घाइतेहरुको अवस्था खतरामुक्त रहेको प्रहरीले जनाएको छ । सबैको लुम्बिनी मेडिकल कलेज प्रभासमा उपचार भइरहेको छ । प्रहरीको अनुसार घटनाबारे थप अनुसन्धान जारी छ ।

यसअघि आइतबार बेलुकी पाल्पाको रानीमहल नजिकै जीप दुर्घटना हुँदा ६ जनाको मृत्यु भएकाे थियाे । एकजना घाइते भएका थिए । यस्तै आज बिहान रम्भा गाउँपालिकामा भ्यान दुर्घटना हुँदा ५ जना घाइते भएका थिए ।