‘समृद्धिको सपना पूरा गर्न दृढ अठोटका साथ लागौँ’

काठमाडौं । प्रधानमन्त्री पुष्पकमल दाहाल प्रचण्डले राष्ट्र निर्माणको संकल्प बोक्दै राष्ट्रसामु विद्यमान चुनौतीहरूको सामना गर्न राष्ट्रिय एकताका पक्षमा सकारात्मक भाष्यको निर्माण गर्ने अठोटका साथ विजयादशमी मनाउन आग्रह गरेका छन् ।

विजया दशमीको पावन अवसरका शुभकामना ब्यक्त गर्दै प्रधानमन्त्री प्रचण्डले लामो संघर्ष र बलिदानपछि प्राप्त उपलब्धिहरूको रक्षा, लोकतान्त्रिक गणतन्त्रको संस्थागत विकास र जनताका अपेक्षाहरू पूरा गर्नुपर्ने ठुलो चुनौती रहेको बताएका छन् । साथै अव पछाडि फर्किन या यत्तिकै रुमलिने छुट नभएको भन्दै प्रधानमन्त्री प्रचण्डले नेपाली जनताले युगौँदेखि साँच्दै आएको सुशासन, सामाजिक न्याय र समृद्धिको सपना पुरा गर्न दृढतापूर्वक अघि बढ्नैपर्ने बताएका छन् ।

साथै प्रधानमन्त्री प्रचण्डले राष्ट्र निर्माणका पक्षमा राष्ट्रिय एकताको भावनालगायतका चुनौती छन्। तर हामीले दृढ अठोटका साथ राष्ट्र, राष्ट्रियता र जनताको हितलाई केन्द्रमा राखेर अघि बढ्न सकेमा हरेक अवरोध छिचोल्न सक्ने उल्लेख गरेका छन् ।