लिजेन्ड कप क्रिकेट : लिजेन्ड्स १९९६ लाई पराजित गर्दै टी-२० विश्वकप टोली फाइनलमा प्रवेश

काठमाडौं । लिजेन्ड्स १९९६ लाई पराजित सन् २०१४ को टी-२० विश्वकप टोली लिजेन्ड कप क्रिकेटको फाइनल प्रवेश गरेको छ ।

रुपन्देहीको तिलोत्तमास्थित एक्स्ट्राटेक ओभल क्रिकेट मैदानमा भएको खेलमा पहिला ब्याटिङ गरेको लिजेन्ड्स १९९६ ले निर्धारित १० ओभरमा ८ विकेट गुमाएर ६७ रन बनाएर टी-२० विश्वकप टोलीलाई ६८ रनको लक्ष्य दिएकाे थियाे । टी-२० विश्वकप टोलीले निर्धारित ९.४ ओभरमा ५ विकेट गुमाएर उक्त लक्ष्य भेट्टायाे ।

टी-२० विश्वकप टोलीकाे जितका लागि कप्तान पारस खड्का ६ रन बनाए । विरेन्द्र शाहले ३५ रन बनाए । दीपेन लम्गेड ९,शक्ति गौचन ६ र शरद भेषावकरले ६ रन बनाए । लिजेन्ड्स १९९६ का बसन्त शाही ठकुरीले ३ विकेट लिए । लेखबहादुर क्षेत्री र किरण रानाले एक-एक विकेट लिए ।

लिजेन्ड्स १९९६ का लागि राजु खड्काले २७ रन बनाए । कप्तान लेखबहादुर क्षेत्री ४, मनिषराज पाण्डे ११ र जगत टमाटाले ९ रन बनाए । त्यस्तै पुकार पन्त २, निरा रजोपध्याय १ र सन्जय गुरुङले ३ रन बनाए ।

टी-२० विश्वकप टोलीका शक्ति गौचन र स्यामसुङ जुङ थापाले २-२ विकेट लिए । बद्री पङ्गेनी, दीपेन लम्गेड र ममता क्षेत्रीले १-१ विकेट लिए ।