‘उपभोक्ता अदालत छिटो स्थापनाका लागि पहल गर्नेछु’

काठमाडाैं । कानून, न्याय तथा संसदीय मामिलामन्त्री पदम गिरीले उपभोक्ता अदालत छिटो स्थापनाका लागि पहल गर्ने बताएका छन् ।

बिहीबार काठमाडौंमा राष्ट्रिय उपभोक्ता मञ्च नेपाल र उपभोक्ता अधिकार अनुसन्धन मञ्च एवं उपभोक्ता संरक्षण मञ्च नेपालको संयुक्त आयोजनामा भएको कार्यक्रममा उनले उपभोक्ता अदालत अनिवार्य रहेको बताएका हुन् ।

उपभोक्ता अदालत स्थापना गर्नसके उपभोक्ताको हीत र अधिकारलाई संरक्षण गर्न सकिने बताए।

सर्वोच्च अदालतले सातै प्रदेशमा उपभोक्ता अदालत स्थापना गर्न आदेश दिइसकेको र कानून, न्याय तथा संसदीय मामिला मन्त्रालयअन्तर्गत नै बनेको कार्यदलले उपभोक्ता अदालतको आवश्यकता औँल्याएकाले आफू छिटो भन्दा छिटो स्थापनाका लागि पहल गर्ने दाबी गरे ।

आफू मन्त्री रहँदा नै उपभोक्ता अदालत स्थापना गर्न महत्वपूर्ण भुमिका खेल्ने जिकिर गरे ।