कोशी प्रदेश ट्रफी राष्ट्रिय क्रिकेट : त्रिभुवन आर्मी क्लब फाइनलमामा प्रवेश

काठमाडौं । कोशी प्रदेश ट्रफी राष्ट्रिय टी-२० क्रिकेट प्रतियोगितामा सुदूरपश्चिम प्रदेशलाई ५ विकेटले पराजित गर्दै त्रिभुवन आर्मी क्लब फाइनलमा प्रवेश गरेकाे छ ।

शुक्रबार भएको पहिलो सेमिफाइनल खेलमा बैजनाथपुर मैदानमा टस हारेर पहिला ब्याटिङको निम्तो पाएको सुदूरपश्चिमले निर्धारित २० ओभरमा ९ विकेट गुमाएर १६३ रन बनाएर आर्मीलाई १६४ रनकाे लक्ष्य दिएकाे थियाे । आर्मीले १९.१ ओभरमा ५ विकेट गुमाएर उक्त लक्ष्य भेटायो ।

आर्मीकाे जितका लागि बसिर अहमदले २८ बलमा ५ चौका र २ छक्कासहित ५० रन बनाए ।  सन्तोष कार्कीले ३१, तृतराज दासले ३८ र सन्दीप रजालीले १७ रन बनाए ।

सुदूरपश्चिमका दीपक बोहराले दुई विकेट लिए । हेमन्त धामी र नरेन साउदले समान एक-एक विकेट लिए ।

सुदूरपश्चिमका लागि नारायण जोशीले २२ बलमा ४ चौका र ६ छक्कासहित ५९ रन बनाए । त्यस्तै, नरेन भट्टले १५, खडक बोहराले ११ र दीपक बोहराले १४ रन बनाए । किरण ठगुन्नाले ३२ बलमा ३ चौका र ३ छक्कासहित ४३ रन बनाए ।

स्पिनर बसिर अहमदले ४ विकेट लिए । नितेश पटेलले ३ विकेट लिए । सुमित श्रेष्ठले  एक विकेट  लिए ।